أمي تسلم عليكم وتقول |~

[شجر الاراك]

حين طرق باب بيتنا ... ليقول لى ولد الجيران


امى تسلم عليكم وتقول عندكم .... طماط....!!



ابتسمت من قلب ...http://www.bah-crazy.net/vb/images/smilies/fgbyfg.gif


وقلت له عندنا ... ولو ماعندنا زرعنا لكم بحوش بيتنا


هلا بالجار الصغير ..http://www.bah-crazy.net/vb/images/smilies/fgbyfg.gifhttp://www.bah-crazy.net/vb/images/smilies/deal.gif



منذ متى لم يطرق بابكم احد الجيران لطلب



طماط او بصل او خبز ... !!!http://www.bah-crazy.net/vb/images/smilies/whistle.gif


ربما أغلب الاعضاء يقول اننا بخير ونعمه ولم يعد الطلب من الجيران



له ضروره ... ولكن لا اعتقد



فقدنا الطلبات الصغيره بين الجيران



فقدنا طعم الجيره ...



كان الجار يطلب من جاره بصل



وبعدها يرسل له قليل من الطبخه



عيش وملح



الان تعد الطلبات بين الجيران عيب وقله ذووق ... !!



وقد تستغرب ان يطرق جارك بيتك بدون موعد واذن مسبق واتصال



وقد يتهم الجار بالجنون حين يطلب طماط



زمان لم تكن الحاله الاقتصاديه مثل الان



اليوم فواتير وديون واقساط واسعار مواد غذائيه عاليه



وعيب نطلب وندق باب الجيران...



زمان حياه بسيطه وقلوب ابسط ,,, وصغار الجيران



وجمله .... امى تسلم عليكم وتقول عندكم بصل



جميله العباره



بجمال البساطه



وجمال المحبه



وجمال روح الجيران الوحده



كنا بيت واحد



وطبخه وحده



اخبرتنى جدتى



ان الاسر قديما تشعر بمدى حاجه جارها



وترسل له من غير طلب



واذا راعى البيت قضى لبيته ماينسى جيرانه ...



واذا بقى شي من العشاء... يرسل للجيران( غريفه)



واليوم يزعل الجار من بقايا العشاء باعتبارها فضله....



ليست المساله بمجرد الطلب



وليست عباره امى تسلم عليكم وتقول عندكم طماط هى المحك



لا ....



ولكن العلاقه نفسها فقدت طعمها



فقدت دفئها



فقدت الجيره



لم تعد الحياه لها طعم بعد الاستغناء عن بصل وطمام وخبز الجيران



وحين نعطى الصغير طلبه ... نتنتظر عودته بطبق من عشاءهم ...



ليتها تعود تلك الايام ... رغم انى عشتها حقيقه



ولكن احيانا اتمنى عوده ايام ماضيه بزمن جميل



وجيران ترسل وتسال وتطلب



بدون قيود حياه ممله ورسميات قاتله



احضرت الطماط للولد الجيران .... ووصلت لنهايه كلامى



قول لماما امي تسلم عليكم وتقول .. اذا بغيتو شي لايردكم الا لسانكم



وخرج الصغير ولسانى حالى يقول:


شكر لك عشت معك لحظات اصبحت مفقوده .... بزمن لم يعد الجار يعرف جاره


ماهي ردة فعلك بعد ما قرأت هذا الكلام ومارايك العام بالموضوع !!


اتمنى يكون حلوو واشوف ردودكم الحلوهـ هالله هالله بسhttp://www.bah-crazy.net/vb/images/smilies/loving.gif

_-_-_-_

[مطنوخه]

ياويل قلبي على ايام اول
وربي فقدنا طعم الجيره
اليوم صرنا نقول صباح الخير ياجاري انت بحاللك وانا بحالي
يسلمووو على الموضوع الحلو وربي حنيت لاايام اول
لاتحرمينا ابداعك
تقبلي مروري

[رفيعة الشان]

أيــه والله

موضووع حلو بكل معانيه

بنت أبوها

ثنكس خيتو عالموضووع الحلووو

واصلي..

[مخبولة]

بالعكس احنا بيت جيرانا
لصق فينا وعدنا دريشة مشتركة
نفس إلا في ليالي الصالحية هع هع
كشخة امي و وأمهم كأنهم خوات
ماتلحق وحدة تسوي شي أو تشتري
ليها شي تودي للثانية من دي الدريشة
يعني مو كل الجيران انقرضوا

ميرسي ع الطرح
لاتحرمينا من جديدج
تقبلي مروري
مخبولووووووو

[مستر مدري!]

اليوم صرنا نقول امي تسلم عليكم وتقول اخفضوا صوت التلفزيون
موضوع مميز كاتميز كاتبته
الى الامام دائما

[برآءة طفلهـ]

لا مو الكل عآد

الحمد لله الله لا يغير علينآ
احنة وبيت جيرآنة
كلش عادي ويآهم والحمد لله
يعني مثلا لو بيتنة مسوين غدة اني مآ احبه امي تتصل الى بيت جيرآنة تقول تبي صحن الينة
وحتى لو هي تبي شيء تقول
وهي مآ تقصر واحنة ما نقصر
ونسميهآ خآلو
وكل يوم في بيتنة
الحمد لله :)

ومثل مآ قالت اختي مخبولة
مو كل الجيرآن انقرضوا

بس
الحمد لله على كل حآل


يسلموو خيوو ع الموضوع النقاشي ..~
عسااج ع القوة ..~
لا خلا ولا عدم ..~


دمـــــت بخير ..


تـقبلي مرووري ^^



تــ ح ــيآأإتي ~~
~[ برآءة طفلهـ ]~

[أنثى القمرِ]

/
\

الأول الغير
والحيــن غير / يعني اذا تغير الحال بين الأنفـس
شبقى بعد مايتغير بين الجيره ..


بس بعـد .. مازال فـيِ من يحتفظ بهالشي للحيـن َ
نادراً ما نلاقيـه


طرح موفق عزيزتـيِ

عساج عالقوة


دُمتِ

[شجر الاراك]

مطنوخة

سلموو ع الطلة الحلوة

منورة الصفحة

تحياتي...

[شجر الاراك]

رفيعة الشأن

يسلموو ع الطلة الحلوة

تحياتي...

[شجر الاراك]

مخبولة

يسلموو ع الطلة الحلوة

تحياتي...

[شجر الاراك]

مستر مدري

يسلموو ع الطلة الحلوة

تحياتي...

[شجر الاراك]

براءة طفلة

يسلموو ع الطلة الحلوة

تحياتي...

[شجر الاراك]

انثى القمر

يسلموو ع الطلة الحلوة

تحياتي...