المساعد الشخصي الرقمي

مشاهدة النسخة كاملة : اخاف ابوح بسـر قلبي و شكواي

دلع الحبايب
16-10-2008, 05:04 PM
دربي طويل وتايهٍ فيـه ممشـاي
مثل الغريب اللي مضيـع دليلـه
يحدني وقتي على ضيـم دنيـاي
ورضيت بالمقسوم حتـى قليلـه
يا طول صبري وآآآآه يا كبر بلواي
أخفي عن العدوان همي واشيلـه
أخاف أبوح بسر قلبي وشكـواي
وتصير نفسي بين ربعـي ذليلـه
أضحك ودايم بسمتي تسكن شفاي
ومن شاف حالي قال محدٍ مثيلـه
وأنا بجوفي هم والنـار بحشـاي
والجرح ينزف والليالـي طويلـه
والعمر يمضي بي وحاير بمسعاي
محروم من طعم الحيـاة الجميلـه
الياس حل وماتت اليوم رجـواي
ولا عاد لي غير الصبر من وسيله
يا حظي الباير تعثر بـك خطـاي
يا حيلة الله ما بقـي فـيّ حيلـه
يا الله يا عالم بسـري ونجـواي
تزيل عـن قلبـي همـومٍ ثقيلـه


بقلمي\
..دلع الحبايب..


اتمنى تعجبكم:teething:
ولد المملكة
16-10-2008, 08:41 PM
تسلم الايادي اختي دلع الحبايب

وين هالغيبه وحشتنا كلماتج الحلوه

بنتظار جديدج ولطولين علينه

:)

تحياتي..::
دلع الحبايب
18-10-2008, 10:16 PM
هههههههه شسوي أخووي

في هالجامعة متعبتني ومااقدر اقعد على النت

تسلم أخووي على المرور الكريم
عبق الزهور
18-10-2008, 10:19 PM
تسلمين خيوو على الكلااام الرووعه
احنا في انتظار المزيد
دلع الحبايب
18-10-2008, 10:25 PM
تسلميين غاليتي على المرور الطيب